Канадын Мэрит сантай хамтран ажиллаж байна

Канадын Мэрит сантай хамтран ажиллаж байна

Уул уурхай, хүнд үйлдвэрийн яам болон "Эрдэнэс-Тавантолгой" ХК хамтран Канадын MERIT төслийн техникийн зөвлөх, Илтгэгч Рон Шэрлэтагийн "Багийн ажиллагаа, харилцаа холбоо" нэртэй сургалтыг 2019 оны гуравдугаар сарын 19-ний өдөр "Эрдэнэс-Тавантолгой" ХК-ийн байранд зохион байгууллаа. Сургалтад Уул, уурхай, хүнд үйлдвэрийн яамны 10, "Эрдэнэс-Тавантолгой” ХК-ийн 20 ажилтан тус тус хамрагдлаа.

Илтгэгч Рон Шэрлэтагийн 26 жилийн туршлага дээрээ тулгуурлаж гаргасан "Багийн ажиллагаа, харилцаа холбоо" нэртэй сургалтын хөтөлбөр нь ажлыг багаараа хийхийн ач холбогдол, багийн гишүүдийн хоорондын харилцаа холбоо, үүрэг оролцоо аливаа ажилд чухал үүрэгтэйг бодит жишээн дээр тулгуурлан хүргэснээрээ онцлогтой болов.

Мөн Мэрит сангийн "СЕСМИМ” төслийн дэмжлэгтэйгээр Уул уурхай , хүнд үйлдвэрийн яам "Геологи, уул уурхай , газрын тос, хүнд үйлдвэр”-ийн салбарт жендерийн талаар баримтлах бодлого /2019-2026/”, "Уурхай , уулын болон баяжуулах үйлдвэрийн нөхөн сэргээлт, хаалтын журам” боловсруулах, сургалт, семинарыг хамтран зохион байгуулсан бөгөөд "Эрдэнэс-Тавантолгой” ХК-ийн хувьд уул уурхайн салбарын ажилчдыг сургаж, хөгжүүлэх чиглэлээр хамтран ажиллахаар төлөвлөөд байна.

 

Канадын Мэрит сантай хамтран ажиллаж байна

Канадын Мэрит сантай хамтран ажиллаж байна